ہر سمت تازگی سی جھرنوں کی نغمگی سے کتنی

ہر سمت تازگی سی جھرنوں کی نغمگی سے کتنی

مشابہت ہے ساقی تری ہنسی سے

کیا جانے کتنے فتنے اٹھتے ہیں کج روی سے

وہ شخص یوں بظاہر ملتا ہے سادگی سے

اکثر غزل ہوئی ہے کچھ ایسی جاں کنی سے

جیسے غزال دیکھے صحرا میں بے بسی سے

اک مرد با صفا نے لکھا لہو سے اپنے

عزت کی موت بہتر ذلت کی زندگی سے

صدیوں تلک رہی ہے تہذیب کی نگہباں

پتھر تراشتے تھے کچھ لوگ شاعری سے

اب آدمی بنے ہیں اک دوسرے کے سائل

اب آدمی گریزاں رہتا ہے آدمی سے

شوخی و بزلہ سنجی دوشیزگی وہی ہے

معصومیت گئی بس احساس آگہی سے

جب ہو غرض تو ملیے ورنہ کھنچے سے رہیے

ہم تنگ آ چکے ہیں اس شان دلبری سے

جعفرؔ رضا تم اب تک اچھے بھلے تھے لیکن

مٹی خراب کر لی کیوں تم نے شاعری سے

har samt tazgi si jharnon ki naghmagi se kitni

mushabahat hai saqi tiri hansi se

kya jane kitne fitne uthte hain kaj rawi se

wo shakhs yun bazahir milta hai sadgi se

aksar ghazal hui hai kuchh aisi jan kini se

jaise ghazal dekhe sahra mein be basi se

ik mard ba safa ne likha lahu se apne

izzat ki maut behtar zillat ki zindagi se

sadiyon talak rahi hai tahzib ki nigahban

patthar tarashte the kuchh log shayari se

ab admi bane hain ik dusre ke sail

ab admi gurezan rahta hai admi se

shokhi-o-buzlahu sanji doshizagi wahi hai

maasumiyat gai bas ehsas-e-agahi se

jab ho gharaz to miliye warna khinche se rahiye

ham tang a chuke hain is shan-e-dilbari se

jaafar raza tum ab tak achchhe bhale the lekin

mitti kharab kar li kyun tum ne shayari se