کبھی تو دوستو اپنے وطن کی بات کریں

کبھی تو دوستو اپنے وطن کی بات کریں

کبھی تو چاک دل و پیرہن کی بات کریں

خرد کی بزم میں دیوانہ پن کی بات کریں

حکایتوں میں کسی سیم تن کی بات کریں

گلوں کے سامنے کیا فکر و فن کی بات کریں

یہ سادہ لوگ ہیں ان سے چمن کی بات کریں

خیال یار سلامت ہزار بزم طرب

مشام جاں میں وہ گیسو مہکتے جاتے ہیں

کسی ختن کی نہ مشک ختن کی بات کریں

نگاہ فتنہ ہے ایک اک ادا قیامت ہے

وہ لاکھ بن کے بڑے بھولپن کی بات کریں

بھلی سی بات عزیزوں پہ بار ہوتی ہے

دیار غیر میں کیسے وطن کی بات کریں

شناسا چہرے یہاں اجنبی سے لگتے ہیں

ہوں اہل ذوق تو اہل سخن کی بات کریں

جہاں پہ قتل ہو اردو زباں نفاست سے

چلو کچھ آج اسی انجمن کی بات کریں

kabhi to dosto apne watan ki bat karen

kabhi to chak-e-dil-o-pairahan ki bat karen

khirad ki bazm mein diwana pan ki bat karen

hikayaton mein kisi sim tan ki bat karen

gulon ke samne kya fikr-o-fan ki bat karen

ye sada log hain un se chaman ki bat karen

khayal-e-yar salamat hazar bazm-e-tarab

masham-e-jan mein wo gesu mahakte jate hain

kisi khutan ki na mushk-e-khutan ki bat karen

nigah-e-fitna hai ek ik ada qayamat hai

wo lakh ban ke bare bhulpan ki bat karen

bhali si bat azizon pe bar hoti hai

dayar-e-ghair mein kaise watan ki bat karen

shanasa chehre yahan ajnabi se lagte hain

hun ahl-e-zauq to ahl-e-sukhan ki bat karen

jahan pe qatl ho urdu zaban nafasat se

chalo kuchh aj isi anjuman ki bat karen