بری بات ان کو ہماری لگے

بری بات ان کو ہماری لگے

ہمیں ان کی ہر بات پیاری لگے

نئے طرز کی ان کی یاری لگے

کریں ایسی باتیں کٹاری لگے

یہ جھرنے یہ لالہ یہ سبزہ یہ گل

چمن میں ہر اک شے تمہاری لگے

یہ مجہول سی دوستی کیا کریں

ہمیں دشمنی دل سے پیاری لگے

کلی سا بدن ہے کہ موج بہار

وہ سر سے قدم تک کنواری لگے

یہ دل کی امانت بنیں تو سہی

جو تیر ستم باری باری لگے

دلوں میں جو اترے تو لہرائے برق

نگاہ کرم سحر کاری لگے

کسی خون ناحق کی گل ریزیاں

چمن در چمن لالہ کاری لگے

رقیباں کے دل پر کٹاری لگے

buri bat un ko hamari lage

hamen un ki har bat pyari lage

nae tarz ki un ki yari lage

karen aisi baten katari lage

ye jharne ye lala ye sabza ye gul

chaman mein har ik shai tumhari lage

ye majhul si dosti kya karen

hamen dushmani dil se pyari lage

kali sa badan hai ke mauj-e-bahar

wo sar se qadam tak kunwari lage

ye dil ki amanat banen to sahi

jo tir-e-sitam bari bari lage

dilon mein jo utre to lahrae barq

nigah-e-karam sehr kari lage

kisi khun-e-nahaq ki gul reziyan

chaman dar chaman lala kari lage

raqiban ke dil par katari lage