حدیث عشق کو عنوان لا جواب ملا

حدیث عشق کو عنوان لا جواب ملا

مجھے نگاہ ملی ہے اسے شباب ملا

ہمیں نصیب سے قرآن لا جواب ملا

ورق جہاں سے کھلا زندگی کا باب ملا

خدا کے فضل سے جویائے علم و دانش کو

نبی سا شہر ملا اور علی سا باب ملا

گناہ گار ہمیں تھے تمام خلقت میں

ہمیں کو اشرف مخلوق کا خطاب ملا

بس ایک خواب کی تعبیر ڈھونڈھتے گزری

تمام عمر کا حاصل بس ایک خواب ملا

جھکی جھکی سی نگاہوں میں اضطراب نہاں

نہ جانے کتنے حجابوں میں بے حجاب ملا

جمال یار کی رعنائیوں میں آخر شب

کہیں یہ کاہکشاں تھی کہیں شہاب ملا

زمین شعر ہوئی آفتاب برج شرف

انیسؔ فن میں ترے لطف بو تراب ملا

سخن سمجھتے ہیں جعفرؔ رضا کئی احباب

جو راہ شوق میں نغمات کا سراب ملا

hadis-e-ishq ko unwan la jawab mila

mujhe nigah mili hai use shabab mila

hamen nasib se quran la jawab mila

waraq jahan se khula zindagi ka bab mila

khuda ke fazl se joya-e-ilm-o-danish ko

nabi sa shahr mila aur ali sa bab mila

gunah gar hamen the tamam khilqat mein

hamen ko ashraf makhluq ka khitab mila

bas ek khwab ki taabir dhundhte guzri

tamam umr ka hasil bas ek khwab mila

jhuki jhuki si nigahon mein iztirab-e-nihan

na jane kitne hijabon mein be hijab mila

jamal-e-yar ki raanaiyon mein akhir-e-shab

kahin ye kahkashan thi kahin shahab mila

zamin-e-sher hui aftab biraj-e-sharaf

unnis-e-fan mein tire lutf bu turab mila

sukhan samajhte hain jaafar raza kai ahbab

jo rah-e-shauq mein naghmat ka sarab mila