چاندنی رات میں صندل سا بکھرتا سایہ

چاندنی رات میں صندل سا بکھرتا سایہ

ایک آسیب کی صورت نظر آیا سایہ

سر پہ سورج ہے مگر حشر کا میدان نہیں

جانے کیوں راہ میں قدموں سے ہے الجھا سایہ

فرد کی ذات میں نادیدہ نظارے کی طرح

سائے کے ساتھ ٹہلتا نظر آیا سایہ

یہ بھی وارفتگئ شوق میں ہوتا ہے گماں

ابھی آیا ہے مرے پاس مہکتا سایہ

یہ وہی لوگ ہیں جو دن میں تھے میرے جیسے

شام کے وقت نظر آتے ہیں سایہ سایہ

منجمد روشنی پھوٹی تھی کسی چادر سے

میں نے کل ابر سے چھنتا ہوا دیکھا سایہ

کل تک اس سایۂ دیوار میں دم ملتا تھا

زندگی لگتی ہے اب ایک کھنڈر کا سایہ

chandni rat mein sandal sa bikharta saya

ek aseb ki surat nazar aya saya

sar pe suraj hai magar hashr ka maidan nahin

jane kyun rah mein qadmon se hai uljha saya

fard ki zat mein nadida nazzare ki tarah

sae ke sath tahalta nazar aya saya

ye bhi waraftagi-e-shauq mein hota hai guman

abhi aya hai mire pas mahakta saya

ye wahi log hain jo din mein the mere jaise

sham ke waqt nazar ate hain saya saya

munjamid raushni phuti thi kisi chadar se

main ne kal abr se chhanta hua dekha saya

kal tak is saya-e-diwar mein dam milta tha

zindagi lagti hai ab ek khandar ka saya