کسی کے آنکھ دکھانے سے کچھ نہیں ہوگا

کسی کے آنکھ دکھانے سے کچھ نہیں ہوگا

ہم اہل حق ہیں ڈرانے سے کچھ نہیں ہوگا

بنے گی بات جبھی ہم بھی ایک ہو جائیں

کہ صرف شور مچانے سے کچھ نہیں ہوگا

میں آفتاب ہوں سن لو دیا نہیں کوئی

ہواؤ زور لگانے سے کچھ نہیں ہوگا

تمہیں گناہ کی اپنے سزا ملے گی ضرور

تمہارے گنگا نہانے سے کچھ نہیں ہوگا

عمل بھی شرط ہے اتنا ضرور یاد رہے

فقط دعائیں کرانے سے کچھ نہیں ہوگا

اٹھو مقابلہ حالات کا کرو تابشؔ

کہ بیٹھے اشک بہانے سے کچھ نہیں ہوگا

kisi ke ankh dikhane se kuchh nahin hoga

ham ahl haq hain darane se kuchh nahin hoga

banegi bat jabhi ham bhi ek ho jaen

ke sirf shor machane se kuchh nahin hoga

main aftab hun sun lo diya nahin koi

hawao zor lagane se kuchh nahin hoga

tumhen gunah ki apne saza milegi zarur

tumhare ganga nahane se kuchh nahin hoga

amal bhi shart hai itna zarur yad rahe

faqat duaen karane se kuchh nahin hoga

utho muqabla halat ka karo tabish

ke baithe ashk bahane se kuchh nahin hoga