ہے دل میں ایک بات جسے در بہ در کہیں

ہے دل میں ایک بات جسے در بہ در کہیں

ہر چند اس میں جان بھی جائے مگر کہیں

مشاط گان کاکل شمع خیال سب

کس کو حریف جلوۂ برق نظر کہیں

پرچھائیاں بھی چھوڑ گئیں بے کسی میں ساتھ

اب اے شب حیات کسے ہم سفر کہیں

پھیلے غبار رنگ دروں تو سواد شام

پھوٹے لہو تو موج خرام سحر کہیں

جز حرف شوق کس کو کہیں گلشن سما

جز نقش ناز کس کو نشید نظر کہیں

ٹوکو انہیں نہ لغزش گفتار دیکھ کر

یہ لوگ وہ ہیں جن کو خدائے ہنر کہیں

عرفیؔ گدائے شہر کی صورت اگر ملے

اقلیم شاعری کا اسے تاجور کہیں

hai dil mein ek bat jise dar ba dar kahin

har chand is mein jan bhi jae magar kahin

mashat gan-e-kakul-e-sham-e-khayal sab

kis ko harif-e-jalwa-e-barq-e-nazar kahin

parchhaiyan bhi chhor gain be kisi mein sath

ab ai shab-e-hayat kise ham safar kahin

phaile ghubar rang-e-darun to sawad-e-sham

phute lahu to mauj-e-khiram-e-sahar kahin

juz harf-e-shauq kis ko kahin gulshan-e-sama

juz naqsh-e-naz kis ko nashid-e-nazar kahin

toko unhen na laghzish-e-guftar dekh kar

ye log wo hain jin ko khuda-e-hunar kahin

urfi gadae shahr ki surat agar mile

iqlim shayari ka use tajwar kahin