رہ جاتی ہے ہر چیز جہاں سائے میں ڈھل کر

رہ جاتی ہے ہر چیز جہاں سائے میں ڈھل کر

وہ دیس بھی اک بار ذرا دیکھیے چل کر

ہم قافلۂ فکر بڑھا لے گئے آگے

آئی جو صدا دشت زیاں میں کہ عمل کر

افتادۂ رہ کی نہیں سنتا کوئی فریاد

آتا ہے جو بڑھ جاتا ہے پیروں سے کچل کر

ہر روزن دیوار سے ہیں گھورتی آنکھیں

اس خوف کے زنداں سے کہاں جائیں نکل کر

سیراب تو ہوتی ہیں کسی عکس سے آنکھیں

آتی ہے کوئی موج تہوں سے تو اچھل کر

صد حیف کہ ضائع دل انساں پہ ہو وہ آگ

جس آگ سے کہسار بھی رہ جائیں پگھل کر

rah jati hai har chiz jahan sae mein dhal kar

wo des bhi ik bar zara dekhiye chal kar

ham qafila-e-fikr barha le gae age

ai jo sada dasht-e-ziyan mein ke amal kar

uftada-e-rah ki nahin sunta koi fariyad

ata hai jo barh jata hai pairon se kuchal kar

har rauzan-e-diwar se hain ghoratti ankhen

is khauf ke zindan se kahan jaen nikal kar

sairab to hoti hain kisi aks se ankhen

ati hai koi mauj tahon se to uchhal kar

sad haif ke zae dil-e-insan pe ho wo ag

jis ag se kohsar bhi rah jaen pighal kar