ہے بھی کچھ یا کہ سمک تا بہ‌‌ سما کچھ بھی نہیں

ہے بھی کچھ یا کہ سمک تا بہ‌‌ سما کچھ بھی نہیں

پوچھا جب جب تو یہی آئی صدا کچھ بھی نہیں

زندگی لائی ہے اس دشت میں مجھ کو کہ جہاں

راہرو راہ گزر راہنما کچھ بھی نہیں

جانے کیوں آپ ادھر اپنے قدم جاتے ہیں

کہ جدھر گھور اندھیرے کے سوا کچھ بھی نہیں

اک قیامت ہے مرے جرم سے تیرا اغماض

آہ یہ کیسی سزا ہے کہ سزا کچھ بھی نہیں

دیکھیے تو سہی کس وقت زباں ہم کو ملی

جب کہ کہنے کے لیے دل میں رہا کچھ بھی نہیں

hai bhi kuchh ya ke samak ta ba sama kuchh bhi nahin

puchha jab jab to yahi ai sada kuchh bhi nahin

zindagi lai hai is dasht mein mujh ko ke jahan

rahrau rah guzar rahnuma kuchh bhi nahin

jane kyun ap idhar apne qadam jate hain

ke jidhar ghur andhere ke siwa kuchh bhi nahin

ik qayamat hai mire jurm se tera aghmaz

ah ye kaisi saza hai ke saza kuchh bhi nahin

dekhiye to sahi kis waqt-e-zaban ham ko mili

jab ke kahne ke liye dil mein raha kuchh bhi nahin