بستہ لب تھا وہ مگر سارے بدن سے بولتا تھا

بستہ لب تھا وہ مگر سارے بدن سے بولتا تھا

بھید گہرے پانیوں کے چپکے چپکے کھولتا تھا

تھا عجب کچھ سحر ساماں یہ بھی اچرج ہم نے دیکھا

چھانتا تھا خاک صحرا اور موتی رولتا تھا

رچ رہا تھا دھیرے دھیرے مجھ میں نشہ تیرگی کا

کون تھا جو میرے پیمانے میں راتیں گھولتا تھا

ڈر کے مارے لوگ تھے دبکے ہوئے اپنے گھروں میں

ایک بادل سا دھوئیں کا بستی بستی ڈولتا تھا

کانپ کانپ اٹھتا تھا میرا میں ہی خود میرے مقابل

میں نہیں تو پھر وہ کس پر کون خنجر تولتا تھا

basta lab tha wo magar sare badan se bolta tha

bhed gahre paniyon ke chupke chupke kholta tha

tha ajab kuchh sehr saman ye bhi achraj ham ne dekha

chhanta tha khak-e-sahra aur moti rolata tha

rach raha tha dhire dhire mujh mein nasha tirgi ka

kaun tha jo mere paimane mein raten gholta tha

dar ke mare log the dabke hue apne gharon mein

ek badal sa dhuen ka basti basti dolta tha

kanp kanp uthta tha mera mein hi khud mere muqabil

main nahin to phir wo kis par kaun khanjar tolta tha