یہ بار غم اٹھا کر دیکھتے ہیں

یہ بار غم اٹھا کر دیکھتے ہیں

تمہیں بھی آزما کر دیکھتے ہیں

بڑا ہے زعم اس پاگل ہوا کو

دیے ہم بھی جلا کر دیکھتے ہیں

ہے ممکن زندگی آئے سمجھ اب

دوبارہ سر کھپا کر دیکھتے ہیں

ہمارے زخم کا کیا حال ہے وہ

گلے ہم کو لگا کر دیکھتے ہیں

یقیں دنیا پہ پھر ہونے لگا ہے

چلو پھر چوٹ کھا کر دیکھتے ہیں

پگھلتی ہی نہیں اشکوں سے دنیا

ذرا سا مسکرا کر دیکھتے ہیں

مخالف عشق کے تم ہو جو واحدؔ

تمہاری نس دبا کر دیکھتے ہیں

ye bar-e-gham utha kar dekhte hain

tumhen bhi azma kar dekhte hain

bara hai zaam is pagal hawa ko

diye ham bhi jala kar dekhte hain

hai mumkin zindagi ae samajh ab

dobara sar khapa kar dekhte hain

hamare zakhm ka kya hal hai wo

gale ham ko laga kar dekhte hain

yaqin duniya pe phir hone laga hai

chalo phir chot kha kar dekhte hain

pighalti hi nahin ashkon se duniya

zara sa muskura kar dekhte hain

mukhalif ishq ke tum ho jo wahid

tumhari nas daba kar dekhte hain