سفر میں اب نہیں پر آبلہ پائی نہیں جاتی

سفر میں اب نہیں پر آبلہ پائی نہیں جاتی

ہماری راستوں سے یوں شناسائی نہیں جاتی

رہیں ہم محفلوں میں یا رہیں دنیا کے میلے میں

اکیلا چھوڑ کر لیکن یہ تنہائی نہیں جاتی

نگاہوں کے اشارے بھی محبت بھی علامت ہیں

سبھی باتیں زبانی ہی تو بتلائی نہیں جاتی

بڑی نازک سی ہے ڈوری یہ رشتوں کی بتاؤں کیا

الجھ اک بار گر جائے تو سلجھائی نہیں جاتی

لگائے کوئی بھی کتنے یہاں چہروں پہ چہرے ہی

حقیقت آئنے سے پھر بھی جھٹلائی نہیں جاتی

نہ جانے خواب ہیں کتنے تمنائیں کھلونوں سی

مگر یہ زندگی ان سے تو بہلائی نہیں جاتی

کہانی زندگی کی یوں تو دل کش ہے مگر واحدؔ

کوئی اک بار جو پڑھ لے تو دہرائی نہیں جاتی

safar mein ab nahin par abla pai nahin jati

hamari raston se yun shanasai nahin jati

rahen ham mahfilon mein ya rahen duniya ke mele mein

akela chhor kar lekin ye tanhai nahin jati

nigahon ke ishare bhi mohabbat bhi alamat hain

sabhi baten zabani hi to batlai nahin jati

bari nazuk si hai dori ye rishton ki bataun kya

ulajh ik bar gir jae to suljhai nahin jati

lagae koi bhi kitne yahan chehron pe chehre hi

haqiqat aine se phir bhi jhutlai nahin jati

na jane khwab hain kitne tamannaen khilaunon si

magar ye zindagi un se to bahlai nahin jati

kahani zindagi ki yun to dil kash hai magar wahid

koi ik bar jo parh le to dohrai nahin jati