رنگ و نام و نسل کے جھگڑے مٹا لیجے ذرا

رنگ و نام و نسل کے جھگڑے مٹا لیجے ذرا

ہم گلے مل لیں گے یہ پردے اٹھا لیجے ذرا

زلف کی رخسار کی سننے کو تب جی چاہے گا

آئنہ آپ اپنے چہرے کو دکھا لیجے ذرا

گل کی بلبل کی بہاروں کی چمن کی پھر کبھی

اجڑے اجڑے آشیاں پہلے بسا لیجے ذرا

انگلیاں پھر میری جانب شوق سے لینا اٹھا

اپنے دامن پر لگے دھبے مٹا لیجے ذرا

آپ کی ادنیٰ دعاؤں میں بھی آئے گا اثرؔ

دونوں ہاتھوں کو عقیدت سے اٹھا لیجے ذرا

rang-o-nam-o-nasl ke jhagre mita lije zara

ham gale mil lenge ye parde utha lije zara

zulf ki rukhsar ki sunne ko tab ji chahega

aina ap apne chehre ko dikha lije zara

gul ki bulbul ki baharon ki chaman ki phir kabhi

ujre ujre ashiyan pahle basa lije zara

ungliyan phir meri janib shauq se lena utha

apne daman par lage dhabbe mita lije zara

ap ki adna duaon mein bhi aega asar

donon hathon ko aqidat se utha lije zara