سہا عمر بھر پر جتایا نہیں

سہا عمر بھر پر جتایا نہیں

ترا زخم ہم نے دکھایا نہیں

ازل سے کھڑے ہیں وفائیں لیے

کسی نے ہمیں آزمایا نہیں

ملا صاف گوئی کا ہم کو صلہ

گلے سے کسی نے لگایا نہیں

ہمارا ہی دکھ ہے اٹھائیں گے ہم

ہے یہ بوجھ اپنا پرایا نہیں

سفر زندگی کا رہا اس طرح

کڑی دھوپ تھی اور سایہ نہیں

جھکا ہے تو بس بندگی میں تری

کہیں اور سر یہ جھکایا نہیں

بہت بھا رہی ہے نہ الفت تمہیں

یہ دھوکا ابھی تم نے کھایا نہیں

یوں واحدؔ تو اتنا برا بھی نہ تھا

تجھے زندگی نے نبھایا نہیں

saha umr bhar par jataya nahin

tira zakhm ham ne dikhaya nahin

azal se khare hain wafaen liye

kisi ne hamen azmaya nahin

mila saf goi ka ham ko sila

gale se kisi ne lagaya nahin

hamara hi dukh hai uthaenge ham

hai ye bojh apna paraya nahin

safar zindagi ka raha is tarah

kari dhup thi aur saya nahin

jhuka hai to bas bandagi mein tiri

kahin aur sar ye jhukaya nahin

bahut bha rahi hai na ulfat tumhen

ye dhoka abhi tum ne khaya nahin

yun wahid to itna bura bhi na tha

tujhe zindagi ne nibhaya nahin