Arooz is now on the App Store, for iPhone and iPad. Download →

All poetry

ہم الگ سی ایک خوشبو جانتے ہیں

Vikas Joshi Wahid (b. 1965)

ہم الگ سی ایک خوشبو جانتے ہیں

ہیں برہمن اور اردو جانتے ہیں

کام چپ رہ کے کیا کرتے ہیں لیکن

رات کے سب راز جگنو جانتے ہیں

خامشی سے آ گرے دامن پہ اکثر

درد کی شدت کو آنسو جانتے ہیں

کیوں مہکتا ہے چمن آمد سے تیری

پھول بھی کیا تیری خوشبو جانتے ہیں

عرضیاں کب روکنا ہے کب بڑھانا

یہ ہنر دفتر کے بابو جانتے ہیں

مشکلوں میں مسکرا کے جینے والے

پھر یقیناً کوئی جادو جانتے ہیں