زرداروں کی وقعت کیا ہے کون یہ گوہر بانٹے گا

زرداروں کی وقعت کیا ہے کون یہ گوہر بانٹے گا

حب اخوت مہر و محبت دل کا تونگر بانٹے گا

میں نے ان دیکھے پر اپنا سب کچھ قرباں کر ڈالا

تو اے برہمن کیا کر بیٹھا تو کیا پتھر بانٹے گا

اپنے منہ سے اپنے گھر کی بات کہو نادانی ہے

ایک ہی ماں کا جایا ہو کر کہتا ہے گھر بانٹے گا

جھوٹ کپٹ چھل بے ایمانی چندہ رشوت لوٹ کھسوٹ

جس کی سیاست ایسی ہوگی کیا وہ لیڈر بانٹے گا

بے مہروں کے شہر میں آخر کس سے یہ امید کریں

اس دنیا میں کون اثرؔ کے درد برابر بانٹے گا

zardarron ki waqat kya hai kaun ye gauhar bantega

hub ukhuwwat mehr-o-mohabbat dil ka tawangar bantega

main ne an dekhe par apna sab kuchh qurban kar dala

tu ai barahman kya kar baitha to kya patthar bantega

apne munh se apne ghar ki bat kaho nadani hai

ek hi man ka jaya ho kar kahta hai ghar bantega

jhut kapat chhal be imani chanda rishwat laut khasot

jis ki siyasat aisi hogi kya wo lidar bantega

be mehron ke shahr mein akhir kis se ye ummid karen

is duniya mein kaun asar ke dard barabar bantega