میں نے تم کو کیا سمجھا ہے ایسا تم نے سوچا کیا

میں نے تم کو کیا سمجھا ہے ایسا تم نے سوچا کیا

تم کیسے ہو تم کیا کیا ہو آئینہ بھی دیکھا کیا

مجھ سے بہتر ہوں گے لاکھوں میں لاکھوں میں بہتر ہوں

اس الجھن میں پڑنا بھی کیا اس الجھن میں رکھا کیا

مندر مسجد بننا گرنا سب مطلب کی باتیں ہیں

دونوں ہی اللہ کے گھر ہیں کون بتائے اچھا کیا

کب تک جھوٹی آس پہ جی کے دل کے پھپھولے پھوڑے گا

خودداری کو بیچنے والے آخر تیرا ہوگا کیا

ہم نے مانا بستی بستی آج اثرؔ کا چرچا ہے

اس بادل کا ذکر نہ کیجے جو گرجا وہ برسا کیا

main ne tum ko kya samjha hai aisa tum ne socha kya

tum kaise ho tum kya kya ho aina bhi dekha kya

mujh se behtar honge lakhon mein lakhon mein behtar hun

is uljhan mein parna bhi kya is uljhan mein rakha kya

mandir masjid banna girna sab matlab ki baten hain

donon hi allah ke ghar hain kaun batae achchha kya

kab tak jhuti as pe ji ke dil ke phphule phorega

khuddari ko bechne wale akhir tera hoga kya

ham ne mana basti basti aj asar ka charcha hai

is badal ka zikr na kije jo garja wo barsa kya