پیڑ احساس کا جذبات کا پھل دیتا ہے

پیڑ احساس کا جذبات کا پھل دیتا ہے

یہ شجر آج کا حاصل ہمیں کل دیتا ہے

حوصلہ کہتے ہیں اک راہ عمل دیتا ہے

حوصلہ مند تو تقدیر بدل دیتا ہے

سب کی یکساں ہی گزر جائے کہاں ہے ممکن

وہ تو نادان ہے جو مونچھ پہ بل دیتا ہے

سانپ فطرت میں فقط سانپ ہوا کرتا ہے

دودھ پی لیتا ہے اور زہر اگل دیتا ہے

اے اثرؔ کہتی ہے دنیا جسے انساں کا ضمیر

فیصلہ جب بھی یہ دیتا ہے اٹل دیتا ہے

per ehsas ka jazbat ka phal deta hai

ye shajar aj ka hasil hamen kal deta hai

hausla kahte hain ik rah-e-amal deta hai

hausla mand to taqdir badal deta hai

sab ki yaksan hi guzar jae kahan hai mumkin

wo to nadan hai jo munchh pe bal deta hai

sanp fitrat mein faqat sanp hua karta hai

dudh pi leta hai aur zahr ugal deta hai

ai asar kahti hai duniya jise insan ka zamir

faisla jab bhi ye deta hai atal deta hai