اشک غم آنکھ سے باہر بھی نہیں آنے کا

اشک غم آنکھ سے باہر بھی نہیں آنے کا

ابر چھٹ جائیں وہ منظر بھی نہیں آنے کا

اب کے آغاز سفر سوچ سمجھ کے کرنا

دشت ملنے کا نہیں گھر بھی نہیں آنے کا

ہائے کیا ہم نے تڑپنے کا صلہ پایا ہے

ایسا آرام جو آ کر بھی نہیں آنے کا

عہد غالبؔ سے زیادہ ہے مرے عہد کا کرب

اب تو کوزے میں سمندر بھی نہیں آنے کا

سبزہ دیوار پہ اگ آیا ظفرؔ خوش ہو لو

آگے آنکھوں میں یہ منظر بھی نہیں آنے کا

ashk-e-gham ankh se bahar bhi nahin ane ka

abr chhut jaen wo manzar bhi nahin ane ka

ab ke aghaz-e-safar soch samajh ke karna

dasht milne ka nahin ghar bhi nahin ane ka

hae kya ham ne tarapne ka sila paya hai

aisa aram jo a kar bhi nahin ane ka

ahd ghalib se ziyada hai mire ahd ka karb

ab to kuze mein samundar bhi nahin ane ka

sabza diwar pe ug aya zafar khush ho lo

age ankhon mein ye manzar bhi nahin ane ka