طریق گریہ اب اس سے بہتر نہیں ملے گا

طریق گریہ اب اس سے بہتر نہیں ملے گا

کہ ایک آنسو بھی کوئی باہر نہیں ملے گا

یہ شہر بھیدوں بھرا یہاں آدمی ملیں گے

مگر کسی کے بھی دوش پر سر نہیں ملے گا

ملے گا دفتر تو چھوٹ جائے گا گھر کہیں پر

جو گھر ملے گا کہیں تو دفتر نہیں ملے گا

زمیں پہ پکی عمارتیں اگ رہی ہیں ایسے

دوانے سر پھوڑنے کو پتھر نہیں ملے گا

چھلکتی آنکھوں ہری بھری مسکراہٹوں بن

ملیں گے دیوار و در یہاں گھر نہیں ملے گا

ملے گی دنیا ملو گے تم سب ملیں گے لیکن

ہمارا وہ گم شدہ مقدر نہیں ملے گا

tariq-e-girya ab is se behtar nahin milega

ke ek ansu bhi koi bahar nahin milega

ye shahr bhedon bhara yahan admi milenge

magar kisi ke bhi dosh par sar nahin milega

milega daftar to chhut jaega ghar kahin par

jo ghar milega kahin to daftar nahin milega

zamin pe paki imaraten ug rahi hain aise

diwane sar phorne ko patthar nahin milega

chhalakti ankhon hari bhari muskurahaton ban

milenge diwar-o-dar yahan ghar nahin milega

milegi duniya miloge tum sab milenge lekin

hamara wo gum shuda muqaddar nahin milega