ایک مٹھی ایک صحرا بھیج دے
Zafar Gorakhpuri (1935–2017)ایک مٹھی ایک صحرا بھیج دے
کوئی آندھی میرا حصہ بھیج دے
زندگی بچی ہے اس کا دل نہ توڑ
خواب کی ننھی سے گڑیا بھیج دے
عکس خاکہ دھند پرچھائیں غبار
میرے قابل کوئی تحفہ بھیج دے
سو برس کی عمر لے کر کیا کروں
چین کا بے قید لمحہ بھیج دے
آسماں بنت زمیں کے واسطے
سات رنگوں کا دوپٹہ بھیج دے
ek mutthi ek sahra bhej de
koi andhi mera hissa bhej de
zindagi bachi hai us ka dil na tor
khwab ki nanhi se guriya bhej de
aks khaka dhund parchhain ghubar
mere qabil koi tohfa bhej de
sau baras ki umr le kar kya karun
chain ka be qaid lamha bhej de
asman bint-e-zamin ke waste
sat rangon ka dupatta bhej de