جو اپنی ہے وہ خاک دل نشیں ہی کام آئے گی

جو اپنی ہے وہ خاک دل نشیں ہی کام آئے گی

گروگے آسماں سے جب زمیں ہی کام آئے گی

یہاں سے مت اٹھا بستر کہ اس سفاک آندھی میں

یہ ٹوٹی پھوٹی دیوار یقیں ہی کام آئے گی

اٹھا رکھا تھا صحرا سر پہ تم نے کون مانے گا

جھٹکنا مت کہ یہ گرد جبیں ہی کام آئے گی

وہ دن آئے گا جب سارے سمندر سوکھ جائیں گے

میاں اندر کی جوئے آتشیں ہی کام آئے گی

کوئی آنکھوں کے شعلے پونچھنے والا نہیں ہوگا

ظفرؔ صاحب یہ گیلی آستیں ہی کام آئے گی

jo apni hai wo khak dil nashin hi kam aegi

giroge asman se jab zamin hi kam aegi

yahan se mat utha bistar ke is saffak andhi mein

ye tuti phuti diwar-e-yaqin hi kam aegi

utha rakha tha sahra sar pe tum ne kaun manega

jhatakna mat ke ye gard-e-jabin hi kam aegi

wo din aega jab sare samundar sukh jaenge

miyan andar ki ju-e-atishin hi kam aegi

koi ankhon ke shole ponchhne wala nahin hoga

zafar sahab ye gili astin hi kam aegi