جو آئے وہ حساب آب و دانہ کرنے والے تھے

جو آئے وہ حساب آب و دانہ کرنے والے تھے

گئے وہ لوگ جو کار زمانہ کرنے والے تھے

اڑانے کے لیے کچھ کم نہیں ہے خاک گھر میں بھی

وہ موسم ہی نہیں ہیں جو دوانہ کرنے والے تھے

مری گم گشتگی میرے لیے چھت بن گئی ورنہ

یہ دنیا والے مجھ کو بے ٹھکانہ کرنے والے تھے

نہ دیتے سارے منظر عکس ہی تھوڑے سے دے دیتے

ہم آوارہ کہاں تزئین خانہ کرنے والے تھے

سمندر لے گیا ہم سے وہ ساری سیپیاں واپس

جنہیں ہم جمع کر کے اک خزانہ کرنے والے تھے

ظفرؔ بے خانماں اپنے کو خود ہی کر لیا تم نے

یہ کار خیر تو اہل زمانہ کرنے والے تھے

jo ae wo hisab-e-ab-o-dana karne wale the

gae wo log jo kar-e-zamana karne wale the

urane ke liye kuchh kam nahin hai khak ghar mein bhi

wo mausam hi nahin hain jo diwana karne wale the

miri gum gashtagi mere liye chhat ban gai warna

ye duniya wale mujh ko be thikana karne wale the

na dete sare manzar aks hi thore se de dete

ham awara kahan tazin khana karne wale the

samundar le gaya ham se wo sari sipiyan wapas

jinhen ham jama kar ke ik khazana karne wale the

zafar be khanuman apne ko khud hi kar liya tum ne

ye kar-e-khair to ahl-e-zamana karne wale the