تو پھر میں کیا اگر انفاس کے سب تار گم اس میں

تو پھر میں کیا اگر انفاس کے سب تار گم اس میں

مرے ہونے نہ ہونے کے سبھی آثار گم اس میں

مری آنکھوں میں اک موسم ہمیشہ سبز رہتا ہے

خدا جانے ہیں ایسے کون سے اشجار گم اس میں

ہزاروں سال چل کر بھی ابھی خود تک نہیں پہنچی

یہ دنیا کاش ہو جائے کبھی اک بار گم اس میں

وہ جیسا ابر بھیجے جو ہوا سر پر چلائے وہ

مرے دریا مرے صحرا مرے کہسار گم اس میں

نہیں معلوم آخر کس نے کس کو تھام رکھا ہے

وہ مجھ میں گم ہے اور میرے در و دیوار گم اس میں

ظفرؔ اس کے تھے ہم تو کب تلک اس سے الگ رہتے

ہوئے ہم ایک دن ہونا تھا آخر کار گم اس میں

to phir main kya agar anfas ke sab tar gum is mein

mire hone na hone ke sabhi asar gum is mein

miri ankhon mein ik mausam hamesha sabz rahta hai

khuda jane hain aise kaun se ashjar gum is mein

hazaron sal chal kar bhi abhi khud tak nahin pahunchi

ye duniya kash ho jae kabhi ik bar gum is mein

wo jaisa abr bheje jo hua sar par chillae wo

mire dariya mire sahra mire kohsar gum is mein

nahin maalum akhir kis ne kis ko tham rakha hai

wo mujh mein gum hai aur mere dar-o-diwar gum is mein

zafar us ke the ham to kab talak us se alag rahte

hue ham ek din hona tha akhir kar gum is mein