زمیں پھر درد کا یہ سائباں کوئی نہیں دے گا

زمیں پھر درد کا یہ سائباں کوئی نہیں دے گا

تجھے ایسا کشادہ آسماں کوئی نہیں دے گا

ابھی زندہ ہیں ہم پر ختم کر لے امتحاں سارے

ہمارے بعد کوئی امتحاں کوئی نہیں دے گا

جو پیاسے ہو تو اپنے ساتھ رکھو اپنے بادل بھی

یہ دنیا ہے وراثت میں کنواں کوئی نہیں دے گا

ملیں گے مفت شعلوں کی قبائیں بانٹنے والے

مگر رہنے کو کاغذ کا مکاں کوئی نہیں دے گا

خود اپنا عکس بک جائے اسیر آئینہ ہو کر

یہاں اس دام پر نام و نشاں کوئی نہیں دے گا

ہماری زندگی بیوہ دلہن بھیگی ہوئی لکڑی

جلیں گے چپکے چپکے سب دھواں کوئی نہیں دے گا

zamin phir dard ka ye saiban koi nahin dega

tujhe aisa kushada asman koi nahin dega

abhi zinda hain ham par khatm kar le imtihan sare

hamare baad koi imtihan koi nahin dega

jo pyase ho to apne sath rakho apne badal bhi

ye duniya hai wirasat mein kuan koi nahin dega

milenge muft sholon ki qabaen bantne wale

magar rahne ko kaghaz ka makan koi nahin dega

khud apna aks bik jae asir-e-aina ho kar

yahan is dam par nam-o-nishan koi nahin dega

hamari zindagi bewa dulhan bhigi hui lakri

jalenge chupke chupke sab dhuan koi nahin dega