مرا قلم مرے جذبات مانگنے والے

مرا قلم مرے جذبات مانگنے والے

مجھے نہ مانگ مرا ہاتھ مانگنے والے

یہ لوگ کیسے اچانک امیر بن بیٹھے

یہ سب تھے بھیک مرے ساتھ مانگنے والے

تمام گاؤں ترے بھولپن پہ ہنستا ہے

دھوئیں کے ابر سے برسات مانگنے والے

نہیں ہے سہل اسے کاٹ لینا آنکھوں میں

کچھ اور مانگ مری رات مانگنے والے

کبھی بسنت میں پیاسی جڑوں کی چیخ بھی سن

لٹے شجر سے ہرے پات مانگنے والے

تو اپنے دشت میں پیاسا مرے تو بہتر ہے

سمندروں سے عنایات مانگنے والے

mira qalam mire jazbat mangne wale

mujhe na mang mira hath mangne wale

ye log kaise achanak amir ban baithe

ye sab the bhik mire sath mangne wale

tamam gaon tire bhulpan pe hansta hai

dhuen ke abr se barsat mangne wale

nahin hai sahl use kat lena ankhon mein

kuchh aur mang miri rat mangne wale

kabhi basant mein pyasi jaron ki chikh bhi sun

lute shajar se hare pat mangne wale

tu apne dasht mein pyasa mire to behtar hai

samundaron se inayat mangne wale