میری اک چھوٹی سی کوشش تجھ کو پانے کے لیے

میری اک چھوٹی سی کوشش تجھ کو پانے کے لیے

بن گئی ہے مسئلہ سارے زمانے کے لیے

ریت میری عمر میں بچہ نرالے میرے کھیل

میں نے دیواریں اٹھائی ہیں گرانے کے لیے

وقت ہونٹوں سے مرے وہ بھی کھرچ کر لے گیا

اک تبسم جو تھا دنیا کو دکھانے کے لیے

آسماں ایسا بھی کیا خطرہ تھا دل کی آگ سے

اتنی بارش ایک شعلے کو بجھانے کے لیے

چھت ٹپکتی تھی اگرچہ پھر بھی آ جاتی تھی نیند

میں نئے گھر میں بہت رویا پرانے کے لیے

دیر تک ہنستا رہا ان پر ہمارا بچپنا

تجربے آئے تھے سنجیدہ بنانے کے لیے

میں ظفرؔ تا زندگی بکتا رہا پردیس میں

اپنی گھر والی کو اک کنگن دلانے کے لیے

meri ik chhoti si koshish tujh ko pane ke liye

ban gai hai masala sare zamane ke liye

ret meri umr mein bachcha nirale mere khel

main ne diwaren uthai hain girane ke liye

waqt honton se mire wo bhi khurach kar le gaya

ik tabassum jo tha duniya ko dikhane ke liye

asman aisa bhi kya khatra tha dil ki ag se

itni barish ek shole ko bujhane ke liye

chhat tapakti thi agarche phir bhi a jati thi nind

main nae ghar mein bahut roya purane ke liye

der tak hansta raha un par hamara bachpana

tajribe ae the sanjida banane ke liye

main zafar ta zindagi bikta raha pardes mein

apni ghar wali ko ik kangan dilane ke liye