کہیں سے لوٹ کے ہم لڑکھڑائے ہیں کیا کیا

کہیں سے لوٹ کے ہم لڑکھڑائے ہیں کیا کیا

ستارے زیر قدم رات آئے ہیں کیا کیا

نشیب ہستی سے افسوس ہم ابھر نہ سکے

فراز دار سے پیغام آئے ہیں کیا کیا

جب اس نے ہار کے خنجر زمیں پہ پھینک دیا

تمام زخم جگر مسکرائے ہیں کیا کیا

چھٹا جہاں سے اس آواز کا گھنا بادل

وہیں سے دھوپ نے تلوے جلائے ہیں کیا کیا

اٹھا کے سر مجھے اتنا تو دیکھ لینے دے

کہ قتل گاہ میں دیوانے آئے ہیں کیا کیا

کہیں اندھیرے سے مانوس ہو نہ جائے ادب

چراغ تیز ہوا نے بجھائے ہیں کیا کیا

kahin se laut ke ham larkharae hain kya kiya

sitare zer-e-qadam rat ae hain kya kiya

nasheb-e-hasti se afsos ham ubhar na sake

faraz dar se paigham ae hain kya kiya

jab us ne har ke khanjar zamin pe phenk diya

tamam zakhm-e-jigar muskurae hain kya kiya

chhuta jahan se is awaz ka ghana badal

wahin se dhup ne talwe jalae hain kya kya

utha ke sar mujhe itna to dekh lene de

ke qatl gah mein diwane ae hain kya kiya

kahin andhere se manus ho na jae adab

charagh tez hawa ne bujhae hain kya kiya