پتھر کے خدا وہاں بھی پائے

پتھر کے خدا وہاں بھی پائے

ہم چاند سے آج لوٹ آئے

دیواریں تو ہر طرف کھڑی ہیں

کیا ہو گئے مہربان سائے

جنگل کی ہوائیں آ رہی ہیں

کاغذ کا یہ شہر اڑ نہ جائے

لیلیٰ نے نیا جنم لیا ہے

ہے قیس کوئی جو دل لگائے

ہے آج زمیں کا غسل صحت

جس دل میں ہو جتنا خون لائے

صحرا صحرا لہو کے خیمے

پھر پیاسے لب فرات آئے

patthar ke khuda wahan bhi pae

ham chand se aj laut ae

diwaren to har taraf khari hain

kya ho gae mehrban sae

jangal ki hawaen a rahi hain

kaghaz ka ye shahr ur na jae

laila ne naya janam liya hai

hai qais koi jo dil lagae

hai aj zamin ka ghusl-e-sehhat

jis dil mein ho jitna khun lae

sahra sahra lahu ke kheme

phir pyase lab-e-furat ae