خار و خس تو اٹھیں راستہ تو چلے
Kaifi Azmi (1919–2002)خار و خس تو اٹھیں راستہ تو چلے
میں اگر تھک گیا قافلہ تو چلے
چاند سورج بزرگوں کے نقش قدم
خیر بجھنے دو ان کو ہوا تو چلے
حاکم شہر یہ بھی کوئی شہر ہے
مسجدیں بند ہیں مے کدہ تو چلے
اس کو مذہب کہو یا سیاست کہو
خودکشی کا ہنر تم سکھا تو چلے
اتنی لاشیں میں کیسے اٹھا پاؤں گا
آپ اینٹوں کی حرمت بچا تو چلے
بیلچے لاؤ کھولو زمیں کی تہیں
میں کہاں دفن ہوں کچھ پتا تو چلے
khar-o-khas to uthen rasta to chale
main agar thak gaya qafila to chale
chand suraj buzurgon ke naqsh-e-qadam
khair bujhne do un ko hua to chale
hakim-e-shahr ye bhi koi shahr hai
masjiden band hain mai kada to chale
us ko mazhab kaho ya siyasat kaho
khudkushi ka hunar tum sikha to chale
itni lashen mein kaise utha paunga
ap inton ki hurmat bacha to chale
belche lao kholo zamin ki tahen
main kahan dafn hun kuchh pata to chale