دل کی تصویر سجانے نکلے

دل کی تصویر سجانے نکلے

اپنی تقدیر بنانے نکلے

راستہ کچھ تو کٹھن ہونا تھا

ہم جو تعبیر کو پانے نکلے

ہم نے سیکھا ہے محبت کرنا

خواب کے تیر سہانے نکلے

جب منور ہوا خوشبو سے دل

حادثے میں بھی خزانے نکلے

اتنا آسان نہیں جینا بھی

ان سے پوچھو جو کمانے نکلے

دل کے دریا نے اترنا چاہا

آنکھ سے لوگ پرانے نکلے

ہم نکل آئے ہیں اک عہد لئے

کون منزل کو گنوانے نکلے

آج سوئے ہوئے لوگوں میں ہم

دل کے جگنو کو جگانے نکلے

تم نے کرنا ہے جو وہ کر ڈالو

ہم تو خود شمع جلانے نکلے

dil ki taswir sajane nikle

apni taqdir banane nikle

rasta kuchh to kathin hona tha

ham jo taabir ko pane nikle

ham ne sikha hai mohabbat karna

khwab ke tir suhane nikle

jab munawwar hua khushbu se dil

hadse mein bhi khazane nikle

itna asan nahin jina bhi

un se puchho jo kamane nikle

dil ke dariya ne utarna chaha

ankh se log purane nikle

ham nikal ae hain ik ahd liye

kaun manzil ko ganwane nikle

aj soe hue logon mein ham

dil ke jugnu ko jagane nikle

tum ne karna hai jo wo kar dalo

ham to khud shama jalane nikle