کی ہے کوئی حسین خطا ہر خطا کے ساتھ

کی ہے کوئی حسین خطا ہر خطا کے ساتھ

تھوڑا سا پیار بھی مجھے دے دو سزا کے ساتھ

گر ڈوبنا ہی اپنا مقدر ہے تو سنو

ڈوبیں گے ہم ضرور مگر ناخدا کے ساتھ

منزل سے وہ بھی دور تھا اور ہم بھی دور تھے

ہم نے بھی دھول اڑائی بہت رہ نما کے ساتھ

رقص صبا کے جشن میں ہم تم بھی ناچتے

اے کاش تم بھی آ گئے ہوتے صبا کے ساتھ

اکیسویں صدی کی طرف ہم چلے تو ہیں

فتنے بھی جاگ اٹھے ہیں آواز پا کے ساتھ

ایسا لگا غریبی کی ریکھا سے ہوں بلند

پوچھا کسی نے حال کچھ ایسی ادا کے ساتھ

ki hai koi hasin khata har khata ke sath

thora sa pyar bhi mujhe de do saza ke sath

gar dubna hi apna muqaddar hai to suno

dubenge ham zarur magar nakhuda ke sath

manzil se wo bhi dur tha aur ham bhi dur the

ham ne bhi dhul urai bahut rah numa ke sath

raqs-e-saba ke jashn mein ham tum bhi nachte

ai kash tum bhi a gae hote saba ke sath

akeswen sadi ki taraf ham chale to hain

fitne bhi jag uthe hain awaz-e-pa ke sath

aisa laga gharibi ki rekha se hun buland

puchha kisi ne hal kuchh aisi ada ke sath