Arooz is now on the App Store, for iPhone and iPad. Download →

All poetry

اتنا تو زندگی میں کسی کے خلل پڑے

Kaifi Azmi (1919–2002)

اتنا تو زندگی میں کسی کے خلل پڑے

ہنسنے سے ہو سکون نہ رونے سے کل پڑے

جس طرح ہنس رہا ہوں میں پی پی کے گرم اشک

یوں دوسرا ہنسے تو کلیجہ نکل پڑے

اک تم کہ تم کو فکر نشیب و فراز ہے

اک ہم کہ چل پڑے تو بہرحال چل پڑے

ساقی سبھی کو ہے غم تشنہ لبی مگر

مے ہے اسی کی نام پہ جس کے ابل پڑے

مدت کے بعد اس نے جو کی لطف کی نگاہ

جی خوش تو ہو گیا مگر آنسو نکل پڑے