بچے بھی اب دیکھ کے اس کو ہنستے ہیں

بچے بھی اب دیکھ کے اس کو ہنستے ہیں

اس کے منہ پر رنگ برنگے سائے ہیں

جلتی آنکھیں لے کر بھی اتراتا ہوں

سب کے سپنے میرے اپنے سپنے ہیں

میرا بدن ہے کتنی روحوں کا مسکن

میری جبیں پر کتنے کتبے لکھے ہیں

جب سے کسی نے بیچ میں رکھ دی ہے تلوار

ہم سایے بھی ہم سایے سے ڈرتے ہیں

شہری بھونرے سے کہنا اے باد صبا

نیم کے پتے گاؤں میں اب بھی کڑوے ہیں

ایک ذرا سی ٹھیس لگی اور ٹوٹ گئے

دل کے رشتے کتنے نازک ہوتے ہیں

کس کو دکھاؤں اپنی نظر سے تیرا روپ

تیرے بھی تو ایک نہیں سو چہرے ہیں

bachche bhi ab dekh ke us ko hanste hain

us ke munh par rang barange sae hain

jalti ankhen le kar bhi itrata hun

sab ke sapne mere apne sapne hain

mera badan hai kitni ruhon ka maskan

meri jabin par kitne katbe likhe hain

jab se kisi ne bich mein rakh di hai talwar

ham saye bhi ham saye se darte hain

shahri bhaunre se kahna ai bad-e-saba

nim ke patte gaon mein ab bhi karwe hain

ek zara si thes lagi aur tut gae

dil ke rishte kitne nazuk hote hain

kis ko dikhaun apni nazar se tera rup

tere bhi to ek nahin so chehre hain