Arooz is now on the App Store, for iPhone and iPad. Download →

All poetry

زندہ باد اے دشت کے منظر زندہ باد

Unwan Chishti (1937–2004)

زندہ باد اے دشت کے منظر زندہ باد

شہر میں ہے جلتا ہوا ہر گھر زندہ باد

کتنے نو عمروں کے قصے پاک کیے

کرفیو میں چلتا ہوا خنجر زندہ باد

تیرے میرے رشتوں کے سنگین گواہ

ٹوٹی مسجد جلتا مندر زندہ باد

آگ لگی ہے من کے باہر کیا کہیے

پھول کھلے ہیں من کے اندر زندہ باد

دل پر اک گھنگھور گھٹا سی چھائی ہے

آنکھوں میں پھرتا ہے سمندر زندہ باد