آج اچانک پھر یہ کیسی خوشبو پھیلی یادوں کی

آج اچانک پھر یہ کیسی خوشبو پھیلی یادوں کی

دل کو عادت چھوٹ چکی تھی مدت سے فریادوں کی

دور سے پہچانی جاتی ہے شکل ترے بربادوں کی

شرط شیریں کیا پوری ہو تیشہ و جرأت کچھ بھی نہیں

عشق و ہوس کے موڑ پہ یوں تو بھیڑ ہے اک فرہادوں کی

اب بھی ترے کوچے میں ہوائیں خاک اڑاتی پھرتی ہیں

باقی ہے یہ ایک روایت اب بھی ترے بربادوں کی

کوئی تری تصویر بنا کر لا نہ سکا خون دل سے

لگتی ہے ہر روز نمائش یوں تو نئے بہزادوں کی

aj achanak phir ye kaisi khushbu phaili yadon ki

dil ko adat chhut chuki thi muddat se fariyadon ki

dur se pahchani jati hai shakl tire barbadon ki

shart-e-shirin kya puri ho tesha-o-jurat kuchh bhi nahin

ishq-o-hawas ke mor pe yun to bhir hai ik farhadon ki

ab bhi tire kuche mein hawaen khak urati phirti hain

baqi hai ye ek riwayat ab bhi tire barbadon ki

koi tiri taswir bana kar la na saka khun-e-dil se

lagti hai har roz numaish yun to nae behzadon ki