دماغ ڈوبتے مہتاب سا لگے ہے مجھے

دماغ ڈوبتے مہتاب سا لگے ہے مجھے

کروں جو یاد تو سب خواب سا لگے ہے مجھے

نہ جانے لوگ چلے جا رہے ہیں کس جانب

گزرتا وقت بھی سیلاب سا لگے ہے مجھے

ہرے ہیں جب سے مرے دل میں زخم یادوں کے

یہ دشت اور بھی شاداب سا لگے ہے مجھے

نکل نہ آئے کسی روز توڑ کر سینہ

یہ دل بھی قطرۂ سیماب سا لگے ہے مجھے

تمام عمر لٹایا جہاں لہو میں نے

وہ شہر آج بھی بے آب سا لگے ہے مجھے

dimagh dubte mahtab sa lage hai mujhe

karun jo yad to sab khwab sa lage hai mujhe

na jane log chale ja rahe hain kis janib

guzarta waqt bhi sailab sa lage hai mujhe

hare hain jab se mire dil mein zakhm yadon ke

ye dasht aur bhi shadab sa lage hai mujhe

nikal na ae kisi roz tor kar sina

ye dil bhi qatra-e-simab sa lage hai mujhe

tamam umr lutaya jahan lahu main ne

wo shahr aj bhi be ab sa lage hai mujhe