اپنے سینے میں ہی ہر ایک تلاطم رکھنا

اپنے سینے میں ہی ہر ایک تلاطم رکھنا

دل ہو زخمی بھی تو ہونٹوں پہ تبسم رکھنا

اور زخموں کا اضافہ ہی سہی جب بھی ملیں

تو مگر اپنا یہی طرز تکلم رکھنا

میرے اذکار کا رشتہ تری آواز سے ہے

میرے گہنوں کے لیے اپنا ترنم رکھنا

تو نے کیوں مجھ سے بچھڑتے ہوئے یہ بات کہی

خود کو تنہا نہ بچھڑنے پہ کبھی تم رکھنا

آج جینا بھی قمرؔ ایک اداکاری ہے

شہر کے شور میں تم خود کو نہ گم صم رکھنا

apne sine mein hi har ek talatum rakhna

dil ho zakhmi bhi to honton pe tabassum rakhna

aur zakhmon ka izafa hi sahi jab bhi milen

tu magar apna yahi tarz-e-takallum rakhna

mere azkar ka rishta tiri awaz se hai

mere gahnon ke liye apna tarannum rakhna

tu ne kyun mujh se bichharte hue ye bat kahi

khud ko tanha na bichharne pe kabhi tum rakhna

aj jina bhi qamar ek adakari hai

shahr ke shor mein tum khud ko na gum sum rakhna