یہ شہر دل جو کوئی شہر آرزو بھی نہیں

یہ شہر دل جو کوئی شہر آرزو بھی نہیں

بھٹک رہے ہیں مگر تیری جستجو بھی نہیں

ہم اہل درد کریں کیا کہیں جو مل بیٹھیں

ترے سوا کوئی موضوع گفتگو بھی نہیں

ورق ورق پہ ابھی تک تو خوں سے شعر لکھے

قلم ہے خشک کہ اب جسم میں لہو بھی نہیں

ہمیں اکیلا نہیں چھوڑتا گھڑی بھر کو

وہ ایک شخص کہ جو آج روبرو بھی نہیں

یہ کیسے پھول سر شاخ دل کھلے ہیں قمرؔ

کہ جن میں رنگ بھی کوئی نہیں ہے بو بھی نہیں

ye shahr-e-dil jo koi shahr-e-arzu bhi nahin

bhatak rahe hain magar teri justuju bhi nahin

ham ahl dard karen kya kahen jo mil baithen

tire siwa koi mauzu-e-guftugu bhi nahin

waraq waraq pe abhi tak to khun se sher likhe

qalam hai khushk ke ab jism mein lahu bhi nahin

hamen akela nahin chhorta ghari bhar ko

wo ek shakhs ke jo aj rubaru bhi nahin

ye kaise phul sar-e-shakh-e-dil khule hain qamar

ke jin mein rang bhi koi nahin hai bu bhi nahin