یوں قید ہم ہوئے کہ ہوا کو ترس گئے

یوں قید ہم ہوئے کہ ہوا کو ترس گئے

اپنے ہی کان اپنی صدا کو ترس گئے

تھے کیا عجیب لوگ کہ جینے کے شوق میں

آب حیات پی کے ہوا کو ترس گئے

کچھ روز کے لیے جو کیا ہم نے ترک شہر

باشندگان شہر جفا کو ترس گئے

مردہ ادب کو دی ہے نئی زندگی مگر

بیمار خود پڑے تو دوا کو ترس گئے

خالی جو اپنا جسم لہو سے ہوا قمرؔ

کتنے ہی ہاتھ رنگ حنا کو ترس گئے

yun qaid ham hue ke hawa ko taras gae

apne hi kan apni sada ko taras gae

the kya ajib log ke jine ke shauq mein

ab-e-hayat pi ke hawa ko taras gae

kuchh roz ke liye jo kiya ham ne tark-e-shahr

bashnadgan shahr jafa ko taras gae

murda adab ko di hai nai zindagi magar

bimar khud pare to dawa ko taras gae

khali jo apna jism lahu se hua qamar

kitne hi hath rang-e-hina ko taras gae