ہر خوشی مقبروں پہ لکھ دی ہے

ہر خوشی مقبروں پہ لکھ دی ہے

اور اداسی گھروں پہ لکھ دی ہے

ایک آیت سی دست قدرت نے

تتلیوں کے پروں پہ لکھ دی ہے

جالیوں کو تراش کر کس نے

ہر دعا پتھروں پہ لکھ دی ہے

لوگ یوں سر چھپائے پھرتے ہیں

جیسے قیمت سروں پہ لکھ دی ہے

ہر ورق پر ہیں کتنے رنگ قمرؔ

ہر غزل منظروں پہ لکھ دی ہے

har khushi maqbaron pe likh di hai

aur udasi gharon pe likh di hai

ek ayat si dast-e-qudrat ne

titliyon ke paron pe likh di hai

jaliyon ko tarash kar kis ne

har dua pattharon pe likh di hai

log yun sar chhupae phirte hain

jaise qimat saron pe likh di hai

har waraq par hain kitne rang qamar

har ghazal manzaron pe likh di hai