جو پڑ گئی تھی گرہ دل میں کھولتے ہم بھی

جو پڑ گئی تھی گرہ دل میں کھولتے ہم بھی

وہ بات کرتا تو کچھ اس سے بولتے ہم بھی

ہوا کو کس نے چھوا ہے جو تجھ کو چھو پاتے

خلا میں پھرتے ہیں رستہ ٹٹولتے ہم بھی

کہاں پہ ٹھہریں کہ مانند برگ آوارہ

ہوا کے دوش پہ پھرتے ہیں ڈولتے ہم بھی

اندھیرا شہر کی گلیوں کا گھر میں در آتا

ذرا جو رات کو دروازہ کھولتے ہم بھی

قمرؔ یہ لطف نہ جینے کا پھر ہمیں آتا

لہو میں زہر اگر خود نہ گھولتے ہم بھی

jo par gai thi girah dil mein kholte ham bhi

wo bat karta to kuchh us se bolte ham bhi

hawa ko kis ne chhua hai jo tujh ko chhu pate

khala mein phirte hain rasta tatolte ham bhi

kahan pe thahren ke manind-e-barg-e-awara

hawa ke dosh pe phirte hain dolte ham bhi

andhera shahr ki galiyon ka ghar mein dar ata

zara jo rat ko darwaza kholte ham bhi

qamar ye lutf na jine ka phir hamen ata

lahu mein zahr agar khud na gholte ham bhi