یہ دل کشی تری آنکھوں میں کس غزال کی ہے

یہ دل کشی تری آنکھوں میں کس غزال کی ہے

اتار دی ہے ہر اک پیڑ نے قبا اپنی

خزاں کی رت میں ادا موسم وصال کی ہے

ہے دل کی ڈور میں بیتے ہوئے دنوں کا حساب

کہ ایک ایک گرہ ایک ایک سال کی ہے

مہک اٹھی وہ جگہ دو گھڑی جہاں بیٹھے

کہ سانس سانس میں خوشبو ترے خیال کی ہے

کہی نہ اس سے کبھی دل کی بات اس ڈر سے

ہر ایک بات پہ عادت اسے سوال کی ہے

خلا سے لوٹ کے آؤں گا پھر زمیں کی طرف

مرا عروج علامت مرے زوال کی ہے

ye dil kashi tiri ankhon mein kis ghazal ki hai

utar di hai har ik per ne qaba apni

khizan ki rut mein ada mausam-e-wisal ki hai

hai dil ki dor mein bite hue dinon ka hisab

ke ek ek girah ek ek sal ki hai

mahak uthi wo jagah do ghari jahan baithe

ke sans sans mein khushbu tire khayal ki hai

kahi na us se kabhi dil ki bat is dar se

har ek bat pe adat use sawal ki hai

khala se laut ke aunga phir zamin ki taraf

mira uruj-e-alamat mire zawal ki hai