جینا ہے سب کے ساتھ کہ انسان میں بھی ہوں

جینا ہے سب کے ساتھ کہ انسان میں بھی ہوں

چہرے بدل بدل کے پریشان میں بھی ہوں

جھونکا ہوا کا چپکے سے کانوں میں کہہ گیا

اک کانپتے دیے کا نگہبان میں بھی ہوں

انکار اب تجھے بھی ہے میری شناخت سے

لیکن نہ بھول یہ تری پہچان میں بھی ہوں

آنکھوں میں منظروں کو جب آباد کر لیا

دل نے کیا یہ طنز کہ ویران میں بھی ہوں

اپنے سوا کسی سے نہیں دشمنی قمرؔ

ہر لمحہ خود سے دست و گریبان میں بھی ہوں

jina hai sab ke sath ke insan mein bhi hun

chehre badal badal ke pareshan mein bhi hun

jhonka hawa ka chupke se kanon mein kah gaya

ik kanpte diye ka nigahban mein bhi hun

inkar ab tujhe bhi hai meri shanakht se

lekin na bhul ye tiri pahchan mein bhi hun

ankhon mein manzaron ko jab abad kar liya

dil ne kiya ye tanz ke wiran mein bhi hun

apne siwa kisi se nahin dushmani qamar

har lamha khud se dast-o-gareban mein bhi hun