خود کی خاطر نہ زمانے کے لیے زندہ ہوں

خود کی خاطر نہ زمانے کے لیے زندہ ہوں

قرض مٹی کا چکانے کے لیے زندہ ہوں

کس کو فرصت جو مری بات سنے زخم گنے

خاک ہوں خاک اڑانے کے لیے زندہ ہوں

لوگ جینے کے غرض مند بہت ہیں لیکن

میں مسیحا کو بچانے کے لیے زندہ ہوں

روح آوارہ نہ بھٹکے یہ کسی کی خاطر

سارے رشتوں کو بھلانے کے لیے زندہ ہوں

خواب ٹوٹے ہوئے روٹھے ہوئے لمحے وہ قمرؔ

بوجھ کتنے ہی اٹھانے کے لیے زندہ ہوں

khud ki khatir na zamane ke liye zinda hun

qarz mitti ka chukane ke liye zinda hun

kis ko fursat jo miri bat sune zakhm gine

khak hun khak urane ke liye zinda hun

log jine ke gharaz mand bahut hain lekin

main masiha ko bachane ke liye zinda hun

ruh awara na bhatke ye kisi ki khatir

sare rishton ko bhulane ke liye zinda hun

khwab tute hue ruthe hue lamhe wo qamar

bojh kitne hi uthane ke liye zinda hun