دوریاں ساری سمٹ کر رہ گئیں ایسا لگا

دوریاں ساری سمٹ کر رہ گئیں ایسا لگا

موند لی جب آنکھ تو سینے سے کوئی آ لگا

کس قدر اپنائیت اس اجنبی بستی میں تھی

گو کہ ہر چہرہ تھا بیگانہ مگر اپنا لگا

پاس سے ہو کر جو وہ جاتا تو خوش ہوتے مگر

اس کا کترا کر گزرنا بھی ہمیں اچھا لگا

اس گھڑی کیا کیفیت دل کی تھی کچھ ہم بھی سنیں

تو نے پہلی بار جب دیکھا ہمیں کیسا لگا

جس قدر گنجان آبادی تھی اس کے شہر کی

جانے کیوں ہر شخص ہم کو اس قدر تنہا لگا

جسم کا آتش کدہ لے کر تو پہنچے تھے وہاں

ہاتھ جب اس کا چھوا تو برف سے ٹھنڈا لگا

جب کسی شیریں دہن سے گفتگو کی اے قمرؔ

اپنا لہجہ بھی ہمیں اس کی طرح میٹھا لگا

duriyan sari simat kar rah gain aisa laga

mund li jab ankh to sine se koi a laga

kis qadar apnaiyat is ajnabi basti mein thi

go ke har chehra tha begana magar apna laga

pas se ho kar jo wo jata to khush hote magar

us ka katra kar guzarna bhi hamen achchha laga

us ghari kya kaifiyat-e-dil ki thi kuchh ham bhi sunen

tu ne pahli bar jab dekha hamen kaisa laga

jis qadar gunjan abadi thi us ke shahr ki

jane kyun har shakhs ham ko is qadar tanha laga

jism ka atish kada le kar to pahunche the wahan

hath jab us ka chhua to barf se thanda laga

jab kisi shirin dahan se guftugu ki ai qamar

apna lahja bhi hamen us ki tarah mitha laga