جھیل کا درپن روز لجا کر بیل نہارا کرتی ہے

جھیل کا درپن روز لجا کر بیل نہارا کرتی ہے

پھر چپکے سے لپٹ پیڑ سے زلف سنوارا کرتی ہے

بچوں کے کنچوں کی گونجیں ذرا دھیان سے سن لینا

مندر کی گھنٹی ان کی ہی نقل اتارا کرتی ہے

پھل دے دے کر خوش ہو لینا جنوں پرانا پیڑوں کا

پر دنیا ہر پاگل کو پتھر ہی مارا کرتی ہے

لڑکی ہے یا جادو گرنی وہ ہم مورکھ کیا جانیں

جادو سے اپنے ہونٹوں کو جو انگارہ کرتی ہے

نظر نہ لگ جائے ماں کو وہ تب سندر ہو جاتی ہے

جب بھی وہ اپنے بچوں کی نظر اتارا کرتی ہے

ان چٹانی راتوں کو اک روشن تیلی توڑے گی

برسوں سے اک صبح ہمارا نام پکارا کرتی ہے

jhil ka darpan roz laja kar bel nihara karti hai

phir chupke se lipat per se zulf sanwara karti hai

bachchon ke kinchun ki gunjen zara dhyan se sun lena

mandir ki ghanti un ki hi naql utara karti hai

phal de de kar khush ho lena junun purana peron ka

par duniya har pagal ko patthar hi mara karti hai

larki hai ya jadu girni wo ham murakh kya janen

jadu se apne honton ko jo angara karti hai

nazar na lag jae man ko wo tab sundar ho jati hai

jab bhi wo apne bachchon ki nazar utara karti hai

un chatani raton ko ik raushan teli toregi

barson se ik subh hamara nam pukara karti hai