گونگی چیخیں بانجھ بھوک اور اس بے بس سناٹے میں

گونگی چیخیں بانجھ بھوک اور اس بے بس سناٹے میں

ہم نے اپنی غزلیں کھوجیں چولھے چوکے آٹے میں

سب پر اک اک صبح لٹانے ہم سورج لے بیٹھے تھے

اپنا کیا ہے جو نہ آئے وہ ہی رہ گئے گھاٹے میں

مہک اٹھے تیرے چھونے سے ہم پر سب کو یہی لگا

چندن کی بھی روح چھپی ہے اس ببول کے کانٹے میں

چور اچکوں کے جے کاروں سے گونجے ان کے دورے

اکثر جیبیں کٹیں ہماری ان کے سیر سپاٹے میں

آزادی کی کھاٹ پہ سوئی کھادی کی اجلی نیندیں

گاؤں کی دب گئی سسکیاں دلی کے خراٹے میں

جہاں کہیں بھی کالک دیکھی ہم نے تو بس وار کیا

پر لوگوں کو غزل نظر آتی ہے اپنے چانٹے میں

gungi chikhen banjh bhuk aur us be bas sannate mein

ham ne apni ghazlen khojen chulhe chuke ate mein

sab par ik ik subh lutane ham suraj le baithe the

apna kya hai jo na ae wo hi rah gae ghate mein

mahak uthe tere chhune se ham par sab ko yahi laga

chandan ki bhi ruh chhupi hai is babul ke kante mein

chur uchakkon ke jai karon se gunje un ke daure

aksar jeben katen hamari un ke sair sapate mein

azadi ki khat pe soi khadi ki ujli ninden

gaon ki dab gai siskiyan dili ke kharrate mein

jahan kahin bhi kalak dekhi ham ne to bas war kya

par logon ko ghazal nazar ati hai apne chante mein