محنت کے بعد بھی ملیں نفرت کی روٹیاں

محنت کے بعد بھی ملیں نفرت کی روٹیاں

سب کے نصیب میں کہاں عزت کی روٹیاں

آنکھوں سے دیکھنے کی نہیں چیز ماں کا پیار

پر پھر بھی دکھاتی اسے عورت کی روٹیاں

جب جب ہماری بھوک کی یہ آگ جل اٹھی

وہ سینک گئے اس پہ سیاست کی روٹیاں

ہے سواد ان کا خوب مگر سچ تو یہی ہے

پچتی نہیں سبھی کو یہ شہرت کی روٹیاں

بیوی سے ہم نے سچ یہ چھپایا ہے عمر بھر

عورت سے بڑی چیز ہے عورت کی روٹیاں

mehnat ke baad bhi milen nafrat ki rotiyan

sab ke nasib mein kahan izzat ki rotiyan

ankhon se dekhne ki nahin chiz man ka pyar

par phir bhi dikhati use aurat ki rotiyan

jab jab hamari bhuk ki ye ag jal uthi

wo saink gae us pe siyasat ki rotiyan

hai sawad un ka khub magar sach to yahi hai

pichti nahin sabhi ko ye shohrat ki rotiyan

biwi se ham ne sach ye chhupaya hai umr bhar

aurat se bari chiz hai aurat ki rotiyan