تعلق کے بہاؤ کا مقدم استعارہ کس جگہ ہے

تعلق کے بہاؤ کا مقدم استعارہ کس جگہ ہے

مرے گہرے سمندر تیری وحشت کا کنارہ کس جگہ ہے

بتا اے روز و شب کی بے ثباتی میں توازن رکھنے والے

جسے کل ٹوٹنا ہے آج وہ روشن ستارہ کس جگہ ہے

بتا سرسبز کھیتوں سے گزرنے والے بے آواز دریا

اچانک پیچ کھا کر رخ بدلنے کا اشارہ کس جگہ ہے

بشارت جس کے ہونے کی مجھے پہلے قدم پر دی گئی تھی

وہ گہرے ابر کا سایہ مسافت کا سہارا کس جگہ ہے

سفر کرنا ہے اور اندھا مسافر سوچتا ہے کس سے پوچھے

سر ہستی اندھیرے راستوں کا گوشوارہ کس جگہ ہے

نہ سطح آب پر ہے اور نہ تہ میں اس کے ہیں آثار کوئی

بتا اے بحر غم کاغذ کی کشتی کو اتارا کس جگہ ہے

taalluq ke bahao ka maqdam istiara kis jagah hai

mire gahre samundar teri wahshat ka kinara kis jagah hai

bata ai roz-o-shab ki be sabati mein tawazun rakhne wale

jise kal tutna hai aj wo raushan sitara kis jagah hai

bata sarsabz kheton se guzarne wale be awaz dariya

achanak pech kha kar rukh badalne ka ishara kis jagah hai

basharat jis ke hone ki mujhe pahle qadam par di gai thi

wo gahre abr ka saya masafat ka sahara kis jagah hai

safar karna hai aur andha musafir sochta hai kis se puchhe

sar-e-hasti andhere raston ka goshwara kis jagah hai

na sath-e-ab par hai aur na tah mein us ke hain asar koi

bata ai bahr-e-gham kaghaz ki kashti ko utara kis jagah hai